أخبار محلية

#بالعامية / بعيدك يا أمي هدوكي روحي .. وبعيدك يا أمي عالجنة رحتي

اكتر من 40 شهيد وعشرات الجرحى اليوم بكشكول_جرمانا بريف دمشق نتيجة قذيفة غدر وحقد واجرام.. الشهداء نساء وصبايا واطفال وشباب ..وكلنا بنعرف مصدرها من الغوطة الشرقية وبالتحديد من باقي هالبلدات يلي تحت سيطرة هالمجرمين يلي مارحموا مدني ولا مجمع سكني او طبي او تعليمي ولا دور العبادة من مساجد وكنائس ..

هنن فعليا انتهوا واختنقوا ومابقدرتهن عالرد بهزيمتهن الا انن يضربو هالمدنيين بالقذائف .. متل مو كلنا شايفين الغوطة اكتر من 80% تحت سيطرة ابطال الجيش السوري مابقيلن كم بلدة وبنعلن نصرنا على كامل الغوطة الشرقية بإذن الله..

يلي صار اليوم مجزرة بشعة كتير مابتنوصف غير انها جريمة بقلب سوق مزدحم كتير والناس نازلة ليشتروا هدايا عيد الام يلي هو عيد الحنان والاسرة .. وهاد المشهد مو اول مرة هالمجرمين من فيلق الرحمن وجبهة النصرة ولا من جيش الاسلام بيعملوه بحق اهالي ريف دمشق ودمشق .. حرقوا قلوب امهات كتير وحرقوا قلوب ولاد على امهاتهن يلي استشهدوا .. صوت انين الجرحى بالمشافى مسموعة ويلي بالعناية المشددة بحالة حرجه.. وكلللل هاد ورغم هييييك نحن ابناء هالوطن ولاد سوريا مصرين على الحياة مصرين على النصر ومصرين على انو لا رئيس الا القائد بشار الاسد ولا جيش الى اولادنا ابطال الجيش العربي السوري ولا راية الى رايتنا علم الجمهورية العربية السورية بعيونو الخضر من البداية عم نفهكن هالحكي ..و الكن نهاية ونهاية قريبة كتير.. #الغوطة_تتحرر

الله يرحم شهداء سوريا الابرار والشفاء العاجل لجميع الجرحى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *