أحداث بطولية

-أيدك يا أمي لوصلك .. قصة مؤثرة حصلت مع احد ابطال الجيش السوري ..

-تعه لهون ولاه
-ههههه أمرك يا خاله
-بدي توصلني عهديك المقبره ما بقدر أمشي لحالي
-بأمرك هاتي أيدك
مر يوم وتنين و سته وضل كل يوم ياخده علمقبره لتزور بنته لأستشهدت بأنفجار
مر اليوم السابع أجت المره لكبيره علحاجز وما لقتو
-وينو علي ؟
-نايم جوه
-فيقوه
-قوم ولاه قوم ما بتعرف أنك بدك توصلني
-خالتي برحمة بنتك خلي هداك يوصلك والله نعسان
-قوم وصلني بعدين نام
-روحي مع حدا من الشباب الي واقفين وحيات أمي نعسان
-لأ انت
-ليش يعني ليش انا
-لأن بنتي لما كانت ترجع من المدرسه وتمرق من قدام الحاجز كانت دائما تقلي يا امي في شب علحاجز بجنن وتصير تدعيلك ..
فهيك لما بتروح بتوصلني بحس بنتي مبسوطة بقبرها ..مستكتر عليها تنبسط بشوفتك وهيي بقبرا
-أيدك يا أمي لوصلك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *